كود-بني ملال //

بعد ما دوز عقوبة حبسية ديال 6 شهور خرج محمد الوسكاري المعروف بمول القفة اليوم السبت 5 شتنبر من الحبس ديال “الحرارة” لي كاين فبني ملال.

الوسكاري تشهر بفيديو كيعبر فيه على الرفض ديالو باش يتسلم الدعم الغذائي (القفة الرمضانية)، مني رجع القفة لمقر الباشوية كتعبيير منو على المطالبة بفرص شغل فبلاصة المساعدات الموسمية.

هاد الخطوة تطورات لاحتكاكات مع بعض أعوان السلطة، الشي لي خلا المحكمة تابعو بتهمة “إهانة موظفين عموميين وهيئة منظمة” قبل ماترفع محكمة الاستئناف الحكم الابتدائي من 3 حتى 6 الشهور نافذة.