الرئيسية > ميديا وثقافة > الوزير بنسعيد لي بغا يولي عمدة الرباط فشبهة تضارب مصالح مرة أخرى…مور تفويت الجماعة للمعلب البلدي لفرقتو “اتحاد يعقوب المنصور”: وقع اتفاقية شراكة مع نادي اشبيلية
28/02/2024 16:45 ميديا وثقافة

الوزير بنسعيد لي بغا يولي عمدة الرباط فشبهة تضارب مصالح مرة أخرى…مور تفويت الجماعة للمعلب البلدي لفرقتو “اتحاد يعقوب المنصور”: وقع اتفاقية شراكة مع نادي اشبيلية

الوزير بنسعيد لي بغا يولي عمدة الرباط فشبهة تضارب مصالح مرة أخرى…مور تفويت الجماعة للمعلب البلدي لفرقتو “اتحاد يعقوب المنصور”: وقع اتفاقية شراكة مع نادي اشبيلية

كود الرباط//

المهدي بنسعيد، وزير الثقافة والشباب والتواصل، اللي مكرهش يكون هو عمدة الرباط، طاحت فشبهة تضارب مصالح مرة أخرى، فبعدما تم تفويت ملعب تابع لجماعة الرباط للفريق ديالو “نادي اتحاد يعقوب المنصور”، بان فصورة جديدة مع رئيس نادي اشبيلية وقع معه شراكة.

واخا بنسعيد مقدرش يكون هو العمدة، طاح على السر باش يترشح للعمودية فالولاية المقبلة، اللي هو كرة القدم والشعبية ديالها، من خلال فريق اتحاد يعقوب المنصور، لي هو ورقة انتخابية فحي يعقوب المنصوري لي فيه كثافة سكانية كبيرة.

وكشف بلاغ خرجو فريق اشبيلية ماشي طبعا فريق بنسعيد، باش تعرفو شكون كيعطي قيمة للتواصل، فيه بلي “في خطوة مهمة لتعزيز الروابط بين نادي إشبيلية والمؤسسات المغربية، شارك نائب رئيس النادي، خوسيه كاسترو، الأسبوع الماضي في اجتماع مثمر مع محمد مهدي بنسعيد، مالك نادي الاتحاد الرياضي يعقوب المنصور ووزير الشباب والثقافة والاتصال.

وتضمنت مهمة خوسيه كاسترو اجتماعًا محوريًا مع رئيس نادي الاتحاد الرياضي يعقوب المنصور، محمد مهدي بنسعيد. وفق البلاغ.

وفي وقت سابق، كشف مستشارو فدرالية اليسار بمجلس جماعة الرباط، عن تفويت الملعب البلدي بنعاشر يونيف بمقاطعة يعقوب المنصور بالرباط لنادي الإتحاد الرياضي يعقوب المنصور، الذي يترأسه وزير الشباب والثقافة والتواصل المهدي بنسعيد.

وأكد فاروق المهدواي، في الندوة الصحافية التي عقدها مستشارو فدرالية اليسار بمجلس الرباط، خلال السنة الماضية (الاثنين 21 نونبر 2022 ) بالرباط، أن مقاطعة يعقوب المنصور فوتت الملعب الذي يعتبر ملكا عموميا لفريق الوزير مما يضرب في الصميم مبدأ تكافؤ الفرص بين فرق المقاطعة حيث سيحرمها من الاستفادة من هذا الملعب، مبينا أن هذا التفويت تكتنفه شبوهات تضارب المصالح باعتبار الوزير بنسعيد هو أيضا عضو بمجلس الجماعة.

بنسعيد هو مستشار جماعي وفي نفس الوقت رئيس فريق يستفيد من دعم لوجستيكي من الجماعة وهادي فيها شبهة تضارب مصالح، لكن الوزير فضل يبقا فرئاسة الفريق وفعضوية مجلس الجماعة بلا ما يقدم الاستقالة كما هو جاري به العمل في عدد من الممارسات الديمقراطية، بل اكثر من ذلك كاين مستشار جماعي قدم الاستقالة حيثاش كاري محل تجاري من الجماعة. هذا برافو عليه ودرس للوزير بنسعيد لي عزيز عليه يبان فالصورة واعر ومجهد.

بنسعيد لي عاد تنتخب فالقيادة الثلاثية لحزب الاصالة والمعاصرة، فأول اجتماع للمكتب السياسي هضرو على ميثاق للاخلاق داخل الحزب. وهذا أول امتحان لهاد القيادة الثلاثية: واش بنسعيد غايقدم استقالة من عضوية الجماعة ولا رئاسة الفريق الرياضي باش يبعد عليه شبهة تضارب المصالح؟.
الوزير المفضل عند المنسقة الوطنية للبام، واللي ديما معها فالسراء والضراء، وكيعتبر “نتاج” مدرسة المنصوري فالسياسة. طاح فالمحظور فشبهة كضرب فصورة الحزب مع القيادة الثلاثية الجديدة.

المهدي فاش مقدرش يستغل فرصة الانقلاب على العمدة اسماء اغلالو، دفع ببعض الاسماء باش تشوش على عملية اختيار اسم العمدة الجديد، خصوصا عن طريق ادريس الرازي اللي كان مع البام وهو رئيس مقاطعة حسان لي داير حرب كبيرة وسط الاحرار فالعاصمة. هاد حسب مصادر من المعارضة كيأكد بلي بنسعيد ماشي غير عندو تضارب المصالح بل عندو مشكل وسط الاغلبية وممفاهمش مع باقي الحلفاء، وهادشي كيعني بلي تجربة التحالف الثلاثي فالعاصمة فشلت”.

موضوعات أخرى

16/04/2024 17:30

فاقدين الأمل فجلسة مجلس الأمن حول الصحرا.. وزير خارجية الجزائر مشا لنيويورك باش يدعم عضوية فلسطين فالأمم المتحدة

16/04/2024 17:10

ملف اختلاس فلوس مخالفات السير ففاس.. غرفة الجنايات برئاسة المستشار لحية كتستمع من الصباح لأزيد من 30 بوليسي قبل انطلاق المرافعات

16/04/2024 16:40

صندوق النقد الدولي كيتوقع توصل نسبة النمو فالمغرب لـ3.1 فالمية ف2024 و3.3 فالمية فعام 2025

16/04/2024 16:30

النيابة العامة حجزات على الممتلكات ديال رئيس قسم الميزانية والصفقات بولاية جهة فاس ولقاوه شاري طوموبيلات غالية بزاف وفيرمة

16/04/2024 16:15

الوداد والرجاء ومعهم 2 فرق مغربية ضمن 15 أحسن فريق إفريقي باغيين يشاركو فالسوبر ليگ الإفريقي