الرئيسية > آش واقع > الوزير الداودي لـ”كود”: مشاكل مهنيي الكاز حلّينها ومني كيقرب رمضان كيبغيو يخلقو المشاكل وصافي
09/04/2019 17:15 آش واقع

الوزير الداودي لـ”كود”: مشاكل مهنيي الكاز حلّينها ومني كيقرب رمضان كيبغيو يخلقو المشاكل وصافي

الوزير الداودي لـ”كود”: مشاكل مهنيي الكاز حلّينها ومني كيقرب رمضان كيبغيو يخلقو المشاكل وصافي

عمـر المزيـن – مكتب الرباط//

في أول خروج له، بعد عودة أزمة “البُوطَا” بين المهنيين والحكومة إلى الواجهة، خرج لحسن الداودي، الوزير المنتدب لدى رئيس الحكومة المكلف بالشؤون العامة والحكامة، عن صمته، وأكد لـ”كود” أنه مكاين حتى شي أزمة في الوقت الراهن.

وأوضح الوزير الداودي، في تصريح خص به “كود”، قائلاً: “أنا براسي مزال مفاهم والو حقاش هاد المهنيين لم يتصلوا بي بشكل نهائي وانهار اتصلو بينا كلست معاهوم وحلينا جميع المشاكل ديالهوم بشكل نهائي، ومني كيقرب رمضان كيبغيو يخلقوا مشاكل وصافي”.

وأضاف المسؤول الحكومي، في ذات التصريح، موضحا: “المشاكل ديال إلغاء أداء واجب التنبر والتعامل بالفواتير الإلكترونية حلينها ودبا معندهوم حتى شي مشكل وحنا معيط لينا حتى شي حد ومعارفش دبا نوع المشاكل اللّي كاينة”.

وكان موزعو “البوطا” قد هددوا بشن إضراب سيشل حركة هذا القطاع، وروجوا على أن البوطا غادي تختفي من السوق المغربية يلا رفضات الحكومة تتعامل بشكل إيجابي مع مطالبهم التي اعتبروها مشروعة وبأنهم راسلو الوزير الداودي باش يرجع يفتح معاهوم قنوات الحوار قبل اختفاء البوطا من السوق خلال شهر رمضان لكنه رفض يجاوبهوم.

 

موضوعات أخرى

22/04/2019 09:30

الحكومة باغية تسالي الحوار الاجتماعي قبل فاتح ماي.. الكاتب العام لنقابة السي دي تي لـ”كود”: جاوبنا الداخلية ووصلنا لشي أمور مقبولة