كود الرباط//
قال أحمد التوفيق وزير الأوقاف والشؤون الإسلامية، بلي مكاينش الرقابة على الخطباء من طرف الوزارة، مشددا بلي الوزارة كتسمح للخطباء يدعيو فقضية غزة من باب الواجب الديني.
وأوضح التوفيق، خلال لقاء لجنة الخارجية والدفاع الوطني والمغاربة المقيمين بالخارج بمجلس المستشارين، اليوم الاثنين 27 نونبر الجاري، ، “مكاينش الرقابة على الخطباء، واللي كيتروج علينا أمور عجيبة. مكاينش شي واحد فالوزارة كيمنعهم”.
ودعا الوزير بضرورة ممارسة الرقابة الذاتية من طرف الخطباء على أنفسهم، مؤكدا بلي قضية غزة محرجة للجميع ولكن “هي كاينا سياسة دولة وفيها مواقف”.
وبخصوص الدعاء للي كيديرو الخطباء على اليهود، قال التوفيق :”ف قضية غزة يدعي ويستنكر في حدود ولكن ينوض ويقول نديرو السلاح.. ميمكنش”.
وتابع :”واحد دار خطبة ديالو كلها على اليهود، ومكيعرفش لا سياسة ونبهناه ولكن يلا عاود مغاديش يخلي لينا فرصة”.
