كود سبور//

باغيين الوداد الرياضي يلعبو 2 ماتشات وديين استعدادا لكأس العالم للأندية اللي غاتكون فالميريكان، وهاذ الشي نشرو جورنال “گود” فوقت سابق.

وحسب موقع africatopsports، فواحد من هاد الجوج فراقي الإسبانيين اللي كايتفاوضو معهم الوداد الرياضي باش يلعبو معهم وديا ضمن معسكر إعدادي لكأس العالم للأندية، هو إشبيلية.

وباغيين الوداد يوجدو لكأس العالم للأندية، اللي غايشاركو فيها ابتداء من 14 يونيو الجاي فالميريكان، ولاعبين فگروبات البطولة ضد مانشستر سيتي النگليزي ويوفنتوس الطالياني والعين الإماراتي.