الرئيسية > كود سبور > الوداد والرجاء مضاربين على باعوش والمحمدية كتفرج.. شكون غيطيح لاخور بالكاو ؟
13/08/2022 10:00 كود سبور

الوداد والرجاء مضاربين على باعوش والمحمدية كتفرج.. شكون غيطيح لاخور بالكاو ؟

الوداد والرجاء مضاربين على باعوش والمحمدية كتفرج.. شكون غيطيح لاخور بالكاو ؟

كود سبور //

اشتد الصراع بين الوداد الرياضي والغريم ديالو الرجاء الرياضي على همام باعوش اللاعب ديال شباب المحمدية، ولي كيتنافسو عليه الفريقين ديال كازا باش يجيبوه فهاذ الصيف.

وحسب مصادر مطلعة فكل من الوداد والرجاء مصمنين باش يفوزو بالخدمات ديال همام باعوش البالغ من العمر 26 سنة ولي كيلعب فوسط الميدان، وحتى واحد منهم ما باغي يتنازل أو يقلب على لاعب يكون بديل ليه فجهة أخرى.

وغيكون أكبر مستفيد من الصفقة ديال همام باعوش هو فريق شباب المحمدية حيث غيدخل للخزينة ديالو مبلغ مالي مهم بسبب هذا المنافسة الشرسة بين الوداد والرجاء، إلى جانب اللاعب لي غيلعب فواحد من الفريقين لي كبار فالمغرب وإفريقيا.

المصادر نفسها أكدت على أن الصفقة تقدر تعرف منعرج جديد سريع خلال الساعات أو الأيام القليلة المقبلة ويتعرف شكون غيطيح لاخور بالكاو فهاذ الكومبا ما بين الوداد والرجاء على الاعب، حيث همام باعوش وشباب المحمدية خاصهم يستغلو الفرصة ويحسمو فالصفقة ما حد الحديد سخون والشاري كاين.

موضوعات أخرى

25/09/2022 13:30

واش الرئيس الكيني خوا بالمغرب فقضية الصحراء؟.. مصدر لـ”كود”: نيروبي غاتمشي مع الرباط وكاينا حرب دبلوماسية كبيرة ولقاءات مكثفة والاعلام المعادي كيدير المزايدات