03/10/2023 21:00
واش مدينة فاس كتسيرها عصابة إجرامية كيفاش كل نهار كاين خبار على نواب العمدة الفايق والبصيري واحد راه في الحبس ولاخر ممنوع يسافر واش العمدة البقالي مكانش عارفهم فاش ختار النواب ديالو على شكل عصابة ولد مسعودة
كود ـ القاهرة//
سالا الشوط الأول من ماتش الوداد الرياضي والأهلي المصري فذهاب فينال عصبة أبطال إفريقيا اللي ملعوب اليوم الأحد فتيران القاهرة الدولي فمصر بتقدم المصريين.
الوداد الرياضي والأهلي المصري سالاو الشوط الأول بتقدم المصريين بنتيجة واحد وكانت الخطورة وفرص التسجيل متساوية بين الفريقين، واخا نسبة الاستحواد اللي كانت عند الأهلي المصري ولكن الواك كانوا صعاب فليكونتر أتاك، وخصوصا واحد الكرة ديال رضا الجعدي اللي خرجها كول الأهلي مصطفى شوبير، وفاللحظات الأخيرة من قدرو المصريين يضربو الهدف الأول بواسطة بيرسيتاو.
ودابا راه رجعو لاعبين الوداد الرياضي والأهلي المصري إلى مستودعات الملابس، باش ياخدو تعليمات وملاحظات المدربين، وهادي فرصة عند مدرب الواك زفين فاندنبروك باش يصحح الأخطاء ويقاد النهج التكتيكي للفريق الأحمر في انتظار يباغت الفريق الأحمر الخصم ديالو ويضرب هدف التعادل على الأقل فالشوط الثاني.
