كود سبور//

وجدو الوداد الرياضي ريوسهم لماتش غدا الثلاثاء ضد سيمبا التنزاني فدار السلام، ضمن الدورة 4 من دور مجموعات دوري أبطال إفريقيا.

ودارو الوداد الرياضي حصة تدريبية أخيرة اليوم الاثنين قبل الماتش ضد سيمبا التنزاني، تحت إشرف المدرب فوزي البنزرتي اللي دار آخر الروتوشات على الفريق ووجد الأسلوب لي غيلعب به ضد سيمبا، وعرفت الحصة مشاركة جميع اللاعبين حتى اللي ما غيلعبوش بحال الكابيتان يحيى جبران، اللي موقف بسبب العقوبة الانضباطية، ومن المنتظر يلعب بلاصتو أنس سرغات.

الأجواء فالحصة التدريبية كانت مزيانة، واللاعبين كانو ناشطين فيها وباين عليهم التركيز، ولو أن التداريب كانت غير فتيران د التداريب وماشي فالتيران الوطني فدار السلام فين غيتلعب الماتش، وكانت المعنويات مرتفعة، مع العلم أن الوداد تسناو الهلال السوداني اللي حتى هما لاعبين فتنزانيا حتى سالاو تداريبهم فنفس الملعب عاد تدربو، ومن بعدها مشاو للفندق يرتاحو.