كود سبور//

واجدين الوداد الرياضي للماتش الحاسم ضد أسيك ميموزا الايفواي غدا السبت فتيران مراكش، ضمن الجولة السادسة والأخيرة من دور مجموعات دوري أبطال افريقيا.

وسالاو الوداد الرياضي تحضيراتهم لمواجهة أسيك ميموزا، ودارو اليوم الجمعة فالعشية آخر حصة تدريبة قبل الماتش، وكانت ملحق تيران مراكش، تحت اشراف المدرب فوزي البنزرتي، اللي خدم مع الفريق على آخر اللمسات والأسلوب التكتيكي والتقني اللي غيلعبو به ضد لاسيك، وكانت المعنويات مرتفعة وسط الكروب واللاعبين ناشطين ومعولين على الرباح.

الوداد الرياضي مطالب انه يربح أسيك ميموزا الايفواري غدا السبت ويتسنى نتيجة ماتش سيمبا التنزاني وكلاكسي البوتسواني تكون فالمصلحة ديالو برباح البوتسوانيين، او انهم يتعادلو مع التنزانيين على الاقل، باش الواك يتأهلو كثاني الكروب 2 ورا لاسيك اللي ضمنو التاهل كمتصدرين لهاد المجموعة.