كود سبور- فيلادلفيا//
مقاتلين الوداد الرياضي مع يوفنتوس الطالياني، واخا خاسرين معهم بنتيجة 2-1 فالماتش اللي بادي بين الفريقين فهاد اللحظات من اليوم الاحد برسم الجولة 2 من گروبات مونديال الأندية.
وسالا الشوط الأول بين الوداد الرياضي ويوفنتوس بنتيجة 2-1 لمصلحة الفريق الطالياني، وماركا الهدف الأول لليوفي عبد المنعم بوطويل لاعب الوداد على راسو بعدما ضربت فيه الكورة ودخلت فالدقيقة 6، والهدف الثاني ماركا لهم ييلديز من تسديدة واعرة، الوداد ماركا لهم لورش هدف زوين بعدما نقل الكورة على لگول ديال يوفنتوس.
ومطالبين الوداد الرياضي يزيدو من الريتم ديال الماتش، ويغامرو كثر واخا راه الشوط الأول كان مزيان، باستثناء الأخطاء اللي جاو منها الهدفين ديال يوفنتوس.
