گود سبور//

مازال غاديين الوداد الرياضي فمسلسل النتائج السلبية، والفريق ضيع تاني النقاط وما قدروش يربحو الدفاع الحسني الجديدي فماتش مؤجل لعبوه اليوم الاثنين فستاد دونور ضمن الدورة 11 من البطولة.

الماتش بين الوداد الرياضي والجديدة سالا بنتيجة التعادل الإيجابي واحد لواحد، وماركاو الوداد هما الأولين بواسطة فاكا فالدقيقة 34، والجديدة ماركاو التعادل فالدقيقة 79 من بينالتي.

مستوى الوداد كان ضعيف تاني وما قدروش يربحو الجديدة، والمدرب باتريس كارتيرون ما لقاش الحلول فماتش عرف غضب كبير على رئيس الوداد هشام ايت منة، ورفعو عليه ميساجات قاصحين من بينهم: “تابع لفلوس وناسي الالقاب” يعني راه كايبيع ويشري اللاعبين والماركوتينگ فالنادي وما مسوقش للتتويج بالألقاب اللي هو الأساسي والاهم.

الوداد الرياضي بهذا التعادل ضيعو ثلاث نقاط جديدة فسباق التنافس على اللقب، ويالاه قدرو يرجعو يتقاسمو الصدارة مع الرجاء الرياضي، ومازال عند الحمرا ماتش مؤجل.