گود سبور//

غادي يگلسو الوداد الرياضي خارج مدينة اسفي، باش يوجدو لذهاب ربع نهائي كاس الكونفيدرالية الإفريقية، ضد اولمبيك اسفي.

وقررت إدارة الوداد الرياضي والطاقم التقني للفريق الأحمر، يگلس لگروب فمدينة الوالدية، باش يديرو الكونسونطراسيون قبل المباراة ضد اولمبيك اسفي، ويبقاو بعاد اي حاجة تقدر تشتت تركيزهم قبل الماتش المهم ضد المسفيوين.

الوداد الرياضي غادي يشدو الطريق بالكار من كازا للوليدية اليوم الجمعة من ورا ما يديرو حصة تدريبية، وغادي تبقى لهم حصة تدريبية قبل الماتش غادي تكون غدا السبت فالوليدية.

وغادي يلعبو الوداد الرياضي الاحد الجاي ضد اولمبيك اسفي ذهاب ربع نهائي كاس الكونفيدرالية الإفريقية فتيران المسيرة الخضراء فأسفي، ومعولين يرجعو بنتيجة إيجابية تسهل عليهم حسم التأهل فماتش الروتور من وراها بسيمانا فكازا.