الرئيسية > كود سبور > الوداد كيتسنى عموتة للحسم فمستقبل عدد من اللعابا
18/08/2022 16:00 كود سبور

الوداد كيتسنى عموتة للحسم فمستقبل عدد من اللعابا

الوداد كيتسنى عموتة للحسم فمستقبل عدد من اللعابا

كود سبور//

من المنتظر تغادر مجموعة من الأسماء فريق الوداد الرياضي فالفترة ديال الانتقالات الصيفية الحالية، سواء كإعارة لفرق أخرى أو بصفة نهائية.

وحسب مصادر مطلعة فعدد من اللاعبين ديال الوداد غيغادرو الفريق لعدم القدرة ديالهم على كسب المكانة فالفريق الأحمر، والأمر كيتعلق بكل من صلاح الدين بنيشو ومنصرف شراشم، لي كاينا إمكانية كبيرة لتسريحهم على سبيل الإعارة باش يكسبو التنافسية.

المصادر ذاتها كشفت على أنه هناك لاعبين غايغادرو الوداد بصفة نهائية، والأمر كيتعلق باللاعب حمزة أسرير لي مضى وقت كبير فمقاعد ديال البدلاء ومشاركش فالماتشات ديال الفريق الموسم الماضي.

وأكدت نفس المصادر على أن إدارة الوداد الرياضي كاتنتظر الضوء الأخضر ديال المدرب الحسين عموتة من أجل تسريح اللاعبين المذكورين، وخصوصا البحث عن عروض للأسماء لي غاتنتقل كإعارة لفرق اخرى من أجل تطوير إمكانياتها وترجع بقوة للفريق.

موضوعات أخرى