كود سبور كازا ///

السكوب اللي نشراتو “كود” على حقارة طاشرون سمسار داخل باسم الصحافة وعندو عضوية فنادي الحمرا، بخصوص محاولة نسف توقيع حكيم زياش للوداد البيضاوي رون كلشي.

حسب ما علمته “كود” فالمكتب والأعضاء كلهم فرحانين بهاد العملية. راها ماشي غير ثقة فتاريخ النادي وحاضرو، راه ثقة فالتحولات اللي بدات تعيشها الأندية بعد مجد المنتخبات.

مصادر “كود” قالت باللي المكتب باستثناء مونيكة هاداك الطاشرون، تصدمات من مستوى الحقارة ولحفير ديال هاد المنخرط وباللي ردهم واضح. حكيم زياش ولدنا وبطلنا ومغربي حر وتوقيعو هو مجد لتاريخ هاد النادي اللي حارب الاستعمار وناضل من أجل الحرية.

بخصوص المشوش وتباعو، حسب مصادر ودادية “إلى مزبلة التاريخ وغادي يتفتح تحقيق باش ينالو  جزاء حربهم ضد الحمرا.

“كود” كانت نشرات هاد الصباح باللي داك المنخرط السمسار الطاشرون لملايري مشى عند مسؤول حكومي ما عندو علاقة بتسيير الكورة باش يقول ليه باللي زياش عندو مواقف ماشي مزيانة. شوفو حقارتو. اعتابر تضامنو مع غزة حاجة ماشي مزيانة. ملك البلاد أول المتضامنين معها ولمغاربة كلهم مع غزة وضد كلشي اللي دارتو إسرائيل.