كود ـ القاهرة- مصر//

غيتدرب فريق الوداد الرياضي بعد لحظات فأول حصة تدريبة هنا بالعاصمة المصرية القاهرة، واللي وصل لها البارح الأربعاء استعدادا لذهاب فينال عصبة ابطال إفريقيا مع الأهلي المصري.

محيط الوداد الرياضي مزيان واللاعبين ناشطين والمورال ديالهم طالع، والكروب مركز باش يحقق نتيحة إيجابية، وبالنسبة للحصة التدريبة اللي غتكون اليوم بالليل فهي غتعرف حضور جميع اللاعبين اللي سافروا مع الحمرا إلى مصر.

البلجيكي زفين فاندنبروك مدرب الوداد الرياضي حرص باش تكون الحصة التدريبية ديال الفريق اليوم مسدود فوجه وسائل الإعلام المغربية والمصرية، وهذا الشي باش يتفادا تشويش الأخيرة على لاعبين الواك ويخليهم مركزين ويخدم معهم على الماتش والخصم.