كود سبور//

شدو الوداد الرياضي 2 ماتشات وديين مع 2 فرق أوروبيين، استعدادا لخوض منافسات كأس العالم للأندية اللي غاتكون فالميريكان.

وغايلعبو الوداد الرياضي مع إشبيلية الإسباني ماتش ودي أول، ومن وراها غايلعبو مع بورتو البرتغالي ماتش ودي تاني، وغايكونو الماتشات بجوج فستاد دونو يومي 27 و31 ماي 2025.

وديما مع الوداد الرياضي، راه قرر هشام آيت منا يزكي أمين بنهاشم كمدرب للفريق الأحمر فبلاصة الجنوب إفريقي رولاني موكوينا، وغايبدا يوجد مع الواك لكأس العالم للأندية.