كود سبور//

كاينين جوج ديال الاصابات فالوداد الرياضي، وهذا بعدما الفريق لعب جوج ماتشات وديين ضد بورتو البرتغالي السبت الماضي وقبل منو ضد إشبيلية الإسباني الثلاثاء الماضي.

وحسب طبيب الوداد الرياضي بنعدو، فالإصابات اللي كاينين فالفريق الأحمر هما ديال أسامة زمراوي وحمزة هنوري اللي يالاه جا للوداد الرياضي ضمن الانتقالات المؤقتة استعدادا لكاس العالم للندية.

وبخصوص اصابة اسامة زمراوي توعت فالماتش ضد بورتو وعندو اصابة فالركبة اليمنى، ودابا كايتعالج ونفس الشي بالنسبة حمزة هنوري اللي حتى هو كايتعالج، أما باقي اللاعبين راهم بخير.

ودخلو الوداد الرياضي معسكر تدريبي مسدود بمركب محمد السادس لكرة القدم بسلا حتى الجمعة المقبل استعدادا لكاس العالم للأندية، وغايلبعبو ماتش أميكال ثالث ضد المنتخب المغربي لاقل من 20 عام الخميس الجاي.