كود سبور//

طاحو الوداد الرياضي فالنيفو الثالث ديال الفريق المشارك فكأس العالم للأندية “المريكان2025، واللي غاتلعب الصيف الجاي، ومشارك فيها الوداد كبطل لدوري أبطال إفريقيا لعام 2022، ملي كان النادي تحت رئاسة الرئيس الأسبق سعيد الناصيري.

وحط الاتحاد الدولي الوداد الرياضي قبل القرعة ديال كأس العالم للأندية فالمستوى الثالث، مع أندية الهلال السعودي وأوسلاند الكوري الجنوبي، والأهلي المصري، ومونتيري  المكسيكي والمواطن ديالو ليون، وبوكا جونيورز الأرجنتيني، وبوتافوگو البرازيلي.

وغايسحب الاتحاد الدولي لكرة القدم يوم الخميس الجاي 5 دجنبر 2025، قرعة كاس العالم 2025، واللي كاتعرف فالنسخة ديالها الجديدة ولأول مرة مشاركة 32 فريق من مختلف أنحاء العالم، من بينهم الريال المدريد الإسباني ومانشستر سيتي النكليزي وبايرن ميونخ الألماني وأندية كبيرة، ويقدرو الوداد يطيحو مع واحد منهم.