كود سبور//

طلع الوداد الرياضي فالتصنيف الشهري العالمي الجديد للأندية ديال الاتحاد الدولي للتاريخ والإحصاء، اللي صدر فأكتوبر الحالي.

وتمكن الوداد الرياضي من الصعود 3 مراتب فالتصنيف الجديد وطلع للمركز 37 عالميا، بعدما كان كيحتل المرتبة 51 فالتصنيف الماضي.

والوداد الرياضي جا عربيا وإفريقيا هو الثاني ورا الأهلي المصري اللي كيحتل المركز الخامس عالميا، وتفوق الوداد على أندية عالمية بحال psg الفرنسي وأياكس الهولندي.

أما الفريق المغربي اللي كيجي من ورا الوداد فالتصنيف العالمي، فهو الرجاء الرياضي اللي كيحتل المركز 75 عالميا، مع العلم أن الخضرا ما لاعبين حتى مسابقة إفريقية هذا الموسم.