گود سبور//

مشاو الوداد الرياضي لتركيا باش يديرو معسكر تما استعدادا للموسم الرياضي المقبل.

وشدو الوداد الرياضي الطيارة اليوم الاحد 26 يوليوز 2025 من مطار محمد الخامس بالدار البيضاء لتركيا، باش يدخلو فالمعسكر الإعدادي فتركيا، ومكونة لائحة الوداد اللي مسافرة لهذا المعسكر من 29 لاعب، وبالمقابل مازال هشام آيت منا، خاصو يفك الجرة مع شي لاعبين اللي ما بقاتش عندهم بلاصتهم فالفريق الأحمر بحال عبد المنعم بوطويل.

ومازال خاص الوداد الرياضي يعزز الصفوف ديالو بلاعبين مزيانين ويسد الخصاص اللي عندو فشي مراكز، مع العلم أن الفريق ومن بعد معسكر تركيا غايمشيو يلعبو فقطر مع السد القطري يوم 10 غشت 2025 فكأس الأحرار.