كود سبور//
شدات بعثة الوداد الرياضي الطريق اليوم الأربعاء، من المغرب الى مصر باش يلعب الفريق مع الاهلي المصري فينال عصبة أبطال إفريقيا الويكاند الجاي.
وخذات بعثة الوداد الرياضي رحلة خاصة وفرها لها رئيس النادي سعيد الناصيري، وطارت الطائرة من مطار محمد الخامس بالدار البيضاء قبل لحظات إلى القاهرة المصرية ومن المنتظر توصل مع 11 وربع ديال الليل مصرية وهي 10 ديال الليل مغربية.
اللاعبين وكل أفراد بعثة الوداد الرياضي وحسب ما عاينو موقع “كود”، غادين ناشطين والمورال ديالهم طالع ومعولين يجيبو الرباح فماتش الذهاب من مصر باش يسهلو عليهم الروتور بالمغرب ويقدرو يتوجو باللقب.
