كود سبور//

مشاو الوداد الرياضي لمدينة طنجة، استعدادا للماتش اللي عندهم غدا السبت ضد اتحاد طنجة برسم الدورة 25 من البطولة الاحترافية لكرة القدم.

وخداو الوداد الرياضي TGV البراق من كازا فواياجور للگار ديال طنجة اليوم الجمعة، ومن ورا الفطور برمج المدرب رولاني موكوينا حصة تدريبية للفريق، هي الأخير قبل الماتش ضد اتحاد طنجة.

ومعولين الوداد الرياضي يرجعو بالرباح من طنجة على اتحاد طنجة، باش على الاقل يحافظو على المركز الثاني إلى ما قدروش ياخدوه بوحدهم، فماتش غايكون صعيب حيث حتى طنجاوا باغايين يربحو لتحسين ترتيبهم فالبطولة، مع العلم ان جمهور الواك ممنوع من حضور الماتش.