كود سبور//

استرجع الوداد الرياضي الخدمات ديال كل من زهير المترجي وسامبو جونيور اللي كانت شكوك حول المشاركة ديالهم فالماتش ديال غدا الأحد فستاد دونو، ضد ريفيرز يونايتد النيجيري فدوري أبطال إفريقيا.

وكشف مصدر مطلع أن كل من الجناح زهير المترجي ورأس الحربة سامبو جونيور اللعابا ديا الوداد الرياضي، راه جاهزين للدفاع على قميص الفريق الأحمر إبتداء من الماتش ديال غدا فالعصبة، من بعدما كانوا غابو على التداريب فالأيام اللي فاتت بسبب الاصابة .

المصدر نفسو أكد أن الطاقم الطبي ديال الوداد الرياضي منح الموافقة على عودة الثنائي زهير المترجي وسامبو جونيور لتداريب المجموعة، إستعدادا الماتش ديال غدا ضد ريفيرز النيجري وأن المشاركة ديال اللاعبين فالمباراة غادي تكون رهينة بإختيارات المدرب الحسين عموتة.

للإشارة فالوداد الرياضي دخل فمعسكر مغلق من يوم الخميس الماضي، وكيدرب إستعدادا للماتش ديال غدا الأحد، حيث مطالب بتحقيق الانتصار على ريفرز يونايتد النيجيري فإياب دور 32 من دوري أبطال إفريقيا باش يتأهل لدور المجموعات.