كود سبور//
رجعو الوداد الرياضي اليوم الخميس إلى المغرب جايين من تنزانيا، اللي خسرو فيها مع سيمبا التنزاني بجوج لزيرو، ضمن الجولة 4 من دور مجموعات دوري أبطال إفريقيا.
ووصلت بعثة الوداد الرياضي صباح اليوم إلى مطار محمد الخامس بالدار البيضاء، جايين فرحلة جوية غير مباشرة من دار السلام التنزانية إلى الدوحة القطرية ثم إلى الدار البيضاء.
بعثة الوداد الرياضي وخلال وصولها إلى مدينة الدار الدار البيضاء كانت باينة عليها التأثر بالخسارة مع سيمبا التنزاني، وكاين واحد الحزن وعدم الرضا على الذات وسط اللاعبين، وهذا الشي من غير العيا اللي كيبان واضح عليهم.
ودابا غيبداو الوداد الرياضي يوجدو للماتش المهم اللي عندهم السبت الجاي ضد يوسفية برشيد ضمن مؤجل الدورة 9 من البطولة الاحترافية، باش يربحوه ويعوضو الخسران فدوري أبطال إفريقيا.