كود سبور//

قدرو الوداد الرياضي يخرجو رابحين ماتش ذهاب فينال السوبر ليك الإفريقي على ماميلودي صن داونز الجنوب إفريقي اليوم الاحد فستاد دونور بنتيجة 2 لواحد.

وسالا الشوط الأول بين الوداد وصن داونز بنتيجة واحد لزيرو، وهو الهدف اللي تماركا بعدما خدعت الكورة مدافعين الفريق الجنوب إفريقي ودخلت.

وفالشوط الثاني قدرو صن داونز يرجعو فالماتش بهدف ديال عبد المنعم بوطويل ماركاه من بيلانتي، قبل ما يرجعو الوداد ويماركيو الهدف الثاني ديال الرباح بتسديدة واعرة ديال انس سرغات، وكانوا الوداد قراب يزيدو هدف ثالث ولكن كورة ديال حمدو الهوني ضربت فالبارة.

وبهذه النتيجة دارو الوداد الرياضي الرجل ديالهم الأولى فمنصة التتويج بلقب السوبر ليك قبل من موقعة الروتور ضد صن داونز فجنوب إفريقيا الاحد الجاي.