كود سبور//

بدا العد العكسي بالنسبة لتحضيرات الوداد الرياضي للفينال ديال عصبة أبطال إفريقيا أمام الأهلي المصري، واللي غيتلعب الأحد المقبل فتيران المركب الرياضي محمد الخامس بالدارالبيضاء.

ودخل فريق الوداد الرياضي اليوم الأربعاء لمركز محمد السادس بالمعمورة، وهو السونطر اللي حطاتو الجامعة الملكية المغربية لكرة القدم رهن إشارة ممثل كرة القدم الوطنية.

لاعبين الوداد الرياضي وتحت إشراف المدرب زفين فاندنبروك بداو كيوجدو للفينال، وراهم كيديرو فهاد اللحظات أول حصة تدريبة فلاصال، باش يرفعوا من النيفو ديال لافريشور فيزيك.

الوداد الرياضي غيبقاو فمركز محمد السادس لكرة القدم، حتى يوم الفينال ويجيو يلعبو ضد الأهلي المصري، وراه جميع مكونات الحمرا معولين على تجاوز خساران الذهاب بالقاهرة بنتجية 2 لواحد أمام الأهلي، بفوز هنا بكازا ويخليو اللقب بالمغرب.