گود سبور//

داير المكتب المسير للوداد الرياضي الثقة ديالو فالمدرب التونسي فوزي البنزرتي، ولكن بشرط ان الفريق يقلع ابتداء من الماتش الجاي ضد شباب المحمدية، برسم الدورة 17 من البطولة الاحترافية لكرة القدم.

وزكاو مسؤولين الوداد الرياضي الثقة ديالهم فالتونسي فوزي البنزرتي للاستمرار فالواك، وعبروا على دعمهم له ولكن بشرط ان الفريق يخرج من النتائج السلبية ابتداء من ماتش غدا ضد شباب المحمدية، اللي غيكون فرصة بالنسبة للحمرا لتصحيح الوضع.

وديما مع الوداد الرياضي قررو مسؤولين النادي وباستشارة مع المدرب فوزي البنزرتي، السفر إلى بوتسوانا لمواجهة فريق گلاكسي البوتسواني ضمن الجولة الرابعة من دور مجموعات دوري أبطال افريقيا يوم 20 فبراير، اي قبل 4 من الماتش اللي غيتلعب بين الفريقين يوم 24 من نفس الشهر.