كود سبور//

بداو الوداد الرياضي كيوجدو لمواجهة أسيك ميموزا الايفواري وهو الماتش الملعوب السبت الجاي، ضمن الجولة 2 من كروبات دوري أبطال افريقيا لكرة القدم.

ودارو الوداد الرياضي اليوم الخميس فالعشية اول حصة تدريبية فالعاصمة الايفواري أبيدجان، وعرفت حضور كاع اللاعبين باستثناء الثلاثاء حمدو الهوني وامين فرحان وامين بوالفتح اللي موعتين.

الاجواء داخل الوداد الرياضي فالكوت ديفوار مزيانة نسبيا مقارنة بالبارح و والبارح حيث كانوا متأثرين بالخسارة مع الجيش الملكي فالبطولة الاحترافية، واللاعبين دابا بداو كيتحاوزو هذا الشي وكيركزو على الماتش ضد لاسيك لتحقيق نتيجة ايجابية تخليهم يخرجو من نتائج الخسران، وتطلع لهم المورال.

وبعدما خاض الفريق الآحمر الحصة التدريبية الاولى له فأبيدجان فتيران خاص بالتداريب، مشاو اللاعبين والطاقم التقني يتعشاو ويرتاحو فالفندق، في انتظار الحصة التدريبية الأخيرة اللي غتكون غدا الجمعة فتيران فيليكس بواني وهو الملعب اللي غيتلعب فيه الماتش.