كود سبور//

خسرو الودادي مرة اخرى، ثاني ماتش أميكال لهم استعدادا لكاس العالم للاندية، وهذه المرة كانت الهزيمة مع بورتو البرتغالي.

ولعبو الوداد الرياضي ضد بورتو البرتغالي، اليوم السبت فتيران مركب محمد الخامس بالدار البيضاء، بنتيجة 1-0، والهدف ماركاوه البرتغاليين فالشوط الاول، والوداد ما قدروش يماركيو التعادل وبان ان مستوى الفريق مازال متواضع ما كايعطيش مؤشرات على امكانية تحقيق شي نتائج مزيانة فمونديال الاندية اللي ما بقى له والو ويبدا.

هذه الخسارة هي الثانية للوداد الرياضي على التوالي، بعد هزيمة الفريق مع اشبيلية الاسباني الثلاثاء الماضي فماتش أميكال اول بنتيجة واحد لزيرو.

وغايلعبو الوداد الرياضي كاس العالم للاندية شهر يونيو الجاي فميريكان وطاحو فالگروب 7 مع مانشستر سيتي النگليزي، ويوفنتوس الطالياني، والعين الاماراتي.