كود سبور//

عطى الطاقم التقني ديال الوداد الرياضي بقيادة أمين بنهاشم، عطلة للاعبين قبل ما يبداو يوجدو لكأس العالم للأندية اللي غاتكون فشهر يونيو فالميريكان.

وقرر الطاقم التقني للوداد الرياضي، يعطي سيمانا عطلة للاعبين باش يرتاحو بعد نهاية الموسم اللي خرج فيه الواك بزيرو لقب، والسيمانا الجايا غايرجعو يترينيو، ويبداو يوجدو لكوب ديموند دي كلوب.

ومازال غايگلس هشام آيت منا مع أمين بنهاشم باش يحدد مستقبل الأخير مع الفريق، وواش غايبقى مدرب للحمرا ولا غايرجع للبوسط ديالو كمدير رياضي، مع العلم أن الوداديين مازال كايتسناو الإعلان عن الانفصال على المدرب الجنوب إفريقي رولاني موكوينا والصيغة ديال هذا الفراق إلى كان غايكون.