كود سبور//

جا الوداد الرياضي بطل المغرب ودوري أبطال إفريقيا ضمن أفضل 50 فريق فالموسم الماضي، والأول وطنيا والثاني إفريقيا وعربيا فالترتيب الجديد لأفضل الفرق فالعالم.

وحسب الإتحاد الدولي لتاريخ كرة القدم وإحصاءاتها جاء الوداد الرياضي فالمركز 48 عالميا، فالترتيب ديال الأندية الخاص ما بين الفترة الممتدة من فاتح أكتوبر 2021 و 30 شتنبر 2022.

الوداد الرياضي اللي توج الموسم الماضي بلقب البطولة الإحترافية ولقب دوري أبطال إفريقيا، تفوق على فرق كبار فاوروبا فحال مانشيستر يونايتيد وأرسنال لفراقي ديال النكالزا واتليتيكو مدريد وإشبيلية الصبليونيين، احتل المركز الثاني إفريقيا وعربيا خلف الأهلي المصري اللي جا فالمركز 21 عالميا.

وبالنسبة للرجاء الرياضي فالفريق الأخضر احتل المركز 114 عالميا وتراجع بشكل كبير حيث خرج بزيرو لقب الموسم اللي فات، وجا من بعد نهضة بركان المتوج بكأس العرش وكأس الكونفدرالية الإفريقية والسوبر الإفريقي اللي صعد إلى المرتبة 99.