كود سبور//

مازال لاعب الوداد الرياضي أسامة فلوح اللي دار كسيدة البارح الاربعاء، فحالة صحية صعيبة وفمرحلة الخطر، واخا المجهودات ديال الأطباء فالكلينيك اللي ناعس فيه.

وخرج محمد طلال عضو المكتب المديري للوداد الرياضي فتدوينة غير دابا شوية كشف على جديد الحالة الصحية ديال أسامة فلوح، وقال: “توضيح من أحد الأقارب… أجرى أسامة فلوح اليوم فحصا جديدا بالرنين المغناطيسي لم يُظهر أي تحسن في حالته الصحية، نتمنى صادقين أن يتجاوز مرحلة الخطر التي مازالت قائمة ويستفيق من غيبوبته بإذن السميع العليم، شاكرين مجهودات الأطقم الطبية المعالجة… الله يشافي أسامة…”.

وكيعيش الجمهور المغربي ككل والوداديين بشكل خاص صدمة وحزن كبير بسبب الكسيدة اللي دار لاعب الوداد الرياضي أسامة فلوح، هو وجوج صحابو بطوموبيل البارح الاربعاء ملي دخلو فكاميون فكازا.