گود سبور- فيلادلفيا//
تقصاو الوداد الرياضي رسميا من كأس العالم للأندية، بعدما ربحو مانشستر سيتي النگليزي العين الإماراتي، يوم الاحد 22 يونيو برسم الجولة الثانية من دور المجموعات.
وسالا الماتش بين مانشستر سيتي والعين الإماراتي بنتيجة 6 لزيرو لمصلحة الفريق النگليزي، اللي ضمن حتا هو التأهل بهذه النتيجة إلى الدور الثاني من مونديال الأندية مع يوفنتوس الطالياني.
ومتصدرين يوفنتوس ترتيب لگروب 7 برصيد 6 نقاط، ومتفوقين فالنسبة الخاصة على مانشستر سيتي اللي عندهم حتى هما نفس الرصيد، والفراقي بجوج لاعبين ضد بعضياتهم الجولة الثالثة على شكون غايتأهل متصدر للمجموعة، أما الوداد الرياضي والعين الإماراتي اللي غايلعبو ضد بعضياتهم الجولة الجايا عندهم 0 نقطة، وبجوجهم تقصاو.
