كود سبور//

باقيين الوداد الرياضي غاديين فمسلسل تضييع النقاط فالبطولة الاحترافية لكرة القدم، والفريق طاح فتعدل جديد فالميدان ديالو ضد اتحاد التواركة اليوم السبت فتيران البشير، برسم الدورة 23.

وسالا الماتش بين الوداد الرياضي واتحاد التواركة بنتيجة التعدل السلبي زيرو لزيرو بين الفريقين، فماتش ما قدرو فيه لا الواك لا الرباطيين يوصلو للشبكة، مع العلم ان الوداد تطرد لهم انس سرغات فالشطو الاول وماركاو هدف بواسطة اسماعيل الحداد وحيدو الحكم والفار بداعي التسلل.

هذا التعادل الجديدة ديال الوداد الرياضي خلاه يبقى داخل فمسلسل النتائج السلبية اللي حصدها هذا الموسم، وبعد الفريق بزاف من صدارة البطولة، والواك دابا عندهم  33 نقطة وكيحتلو المركز 4 بفارق 19 نقطة على المركز الاول، أما التواركة عندهم 30 نقطة وكيحتلو المركز الرابع.