كود سبور//

باغيين الوداد الرياضي يخليو اللاعب منتصر الحتيمي ضمن صفوف الفريق، بعدما جابو بريطي فالصيف الماضي من طرابزون سبور التركي.

وكشفت مصادر جيدة الاطلاع، ان المسؤولين ديال الوداد الرياضي عبرو للمسؤولين ديال طرابزون سبور التركي على انهم باغيين يخليو اللاعب منتصر الحتيمي معهم ديما، بعدما خداوه بريطي لمدة موسم واحد، وانهم باغيين يشريو العقد ديالو بصفة نهائية من عندهم.

وكيجي هذا التحرك من ادارة الوداد الرياضي بقرار من المدرب عادل رمزي، بعد المستوى اللي قدم اللاعب خلال المباريات الماضية سوا فالسوبر ليك او البطولة الاحترافية، مع العلم انه لعب كمهاجم فالواك فشحال من ماتش واخا ما كانش متعود يلعب فهاد البوسط وقدر يتوفق.