گود سبور//

بداو الوداد الرياضي منافسات الموسم الجديد من البطولة الاحترافية لكرة القدم بخسران، وهزيمة أمام المغرب الفاسي اليوم الجمعة فتيران الحسن الثاني فمدينة فاس برسم الدورة الاولى.

وسالا الماتش بين المغرب الفاسي والضيف ديالو الوداد الرياضي بنتيجة واحد لزيرو لمصلحة الماص، وهو الهدف اللي قدرو يماركيوه المغرب الفاسي فاللحظات الاخيرة من الماتش بواسطة حمزة الجناتي من بيلانتي، وحاولو الوداد يماركيو التعادل ولكن ما قدروش.

وبهذه النتيجة بداو المغرب الفاسي البطولة الاحترافية مزيان وخداو 3  النقاط فأول ماتش، أما الوداد الرياضي بداو المنافسات بنتيجة سلبية وخاصهم يعوضوها.