كود سبور//
كشفت مصادر مطلعة، أن الوداد الرياضي باغيين يلعبو مع جوج فراقي من أوروبا، استعدادا لكاس العالم للأندية اللي غاتكون فشهر يونيو الجاي فالميريكان.
ووضحت نفس المصادر، أن الأمر كايتعلق بجوج فراقي من الصبليون، باغيين الوداد يلعبو معهم 2 ماتشات وديين فستاد دونور، ضمن معسكر تدريبي للفريق خلال الأسابيع المقبلة، قبل السفر للمريكان للمشاركة فكأس العالم للأندية، وراه كايتفاوضو معهم.
وغايبدا كأس العالم للأندية فالميريكان يوم 14 يونيو 2025، بمشاركة الوداد الرياضي، اللي غايلعب فالگروبات ضد مانشستر سيتي النگليزي ويوفنتوس الطالياني والعين الإماراتي.
