الرئيسية > كود سبور > الوداد اتافق مع الخليفة ديال أشرف داري
07/08/2022 10:00 كود سبور

الوداد اتافق مع الخليفة ديال أشرف داري

الوداد اتافق مع الخليفة ديال أشرف داري

كود سبور//

توصل فريق الوداد الرياضي لاتفاق مع اللاعب الجزائري عماد الدين بوبكر، باش ينتقل للصفوف ديالو فالميركاتو الصيفي، ويكون بديل للمدافع أشرف داري لي رحل لفريق بريست الفرنسي.

وكشفت مصادر مطلعة أن الوداد توصل إلى اتفاق مع اللاعب عماد الدين بوبكر المدافع ديال فريق شبيبة الساورة الجزائري، بحيث غيلعب اللاعب فصفوف بطل المغرب إبتداء من الموسم الرياضي المقبل.

المفاوضات بين الوداد واللاعب الجزائري لم تكن سهلة، بحيث اضطر كل من الفريق الأحمر وبوبكر لإيجاد حل وسط، من خلال الاتفاق على التوقيع لثلاثة مواسم، لكن غيكون بإمكان أي طرف فيهم (الفريق أو اللاعب) ينهي الارتباط من بعد نهاية الموسم الأول فحالة لم يكن راضيا على المردودية، أو يبقى العقد ساري المفعول بينهما للموسم الثاني والثالث، فحالة كان كلاهما متفق على الاستمرار.

وكيعول الوداد الرياضي بشكل كبير على المدافع عماد الدين بوبكر مدافع شبيبة الساورة الجزائري والبالغ من العمر 27 سنة، باش يكون أفضل خلف للمدافع الشرس أشرف داري لي رحل للدوري الفرنسي مع نهاية الموسم الماضي، وطبعا عيتم التوقيع مع عماد الدين بوبكر من الخضوع ديالو للفحص الطبي.

موضوعات أخرى

25/09/2022 13:30

واش الرئيس الكيني خوا بالمغرب فقضية الصحراء؟.. مصدر لـ”كود”: نيروبي غاتمشي مع الرباط وكاينا حرب دبلوماسية كبيرة ولقاءات مكثفة والاعلام المعادي كيدير المزايدات