گود سبور//

علم جورنال “گود” من مصادر ودادية أن لاعب الفريق الأحمر، عزيز كي خرج من السبيطار اللي دخل له البارح الجمعة بعدما توعت فـ ماتش الحمرا وعزام التنزاني بجزيرة زنجبار ضمن منافسات كاس الكونفيدرالية.

وكشفت نفس المصادر، أن الحالة الصحية ديال عزيز كي مستقرة وخرج من السبيطار اليوم السبت، وراه دابا مزيان غير محتاج لشويا ديال الراحة وغايبقى متبع البروتوكول العلاجي مع الطاقم الطبي للوداد الرياضي.

وكان عزيز كي تهز للسبيطار البارح من تيران أمان فـ زنجبار بعدما تضرب فـ الرأس ديالو.