كود //

ماركة مستحضرات التجميل مايبلين المعروفة اختارت وجه اشهاري جديد للماكياج ديالها ! سميتو ماني گيتيريز ! عندو 25 عام و عندو كونط انستاغرام متبعو 3 ديال المليون ديال الناس لي كايشوفوه كيفاش كايتماكيا و كيفاش كايتقن استخدام مستحضرات التجميل و الشهرة ديالو خلاتو يوصل باش يولي يمثل ماركة مشهورة فحال مايبلين!
المشكلة هي ردة الفعل ديال بزاف ديال المغربيات لي كايستعملو هاد الماركة ديال مستحضرات التجميل فاش ساقو الخبار بلي راجل هوا لي غايولي الوجه الاشهاري ديالها، بزاف ديال التعليقات كانت سلبية و بينات العداء ديال الناس للمثليين و الكراهية و الحقد لي كايواجهو بيها أي واحد مختلف.
كاين لي مشا بعيد و بغا گاع يقاطع منتوجات مايبلين بسباب هاد القضية.
وا شوف الحماق فين وصل بهاد الناس!
للإشارة مايبلين ماشي أول ماركة مستحضرات التجميل لي غاتختار راجل يمثلها ! قبل منها دارتها ماركة ماك المشهورة ! و حتى ماركة كوفر گيرل !

898 (1)