عالي الصافي – كود//

بعدما تم إبعادو عن أهم جهة فالصحرا بسبب الأخطاء الكثيرة لي طاح فيها “بوشعاب يحظيه” بجهة العيون الساقية الحمراء، ولي كلشي كيعرفها وريحتها عطات فالعيون، طاح الوالي اجديد لجهة درعة تافيلالت فموقف خايب بزاف فلوقيتة لي كيتعين فيها.

الموقف لي طاح فيه بوشعاب يحضيه، كيبان واضح فالفيديو وهو عندما سلمو وزير الداخلية لفتيت لمرسوم التعيين الملكي، وقام ولد بوشعاب وبغا يرجعو للوزير لي استغرب من تصرف “بوشعاب يحضيه” وگالو خليه عندك….

هاد التصرف لي دار بوشعاب، باينة فيه ماشي تلقائي، السيد ماحاملش الجهة لي تلاح ليها، وكان باغي يعشعش فالصحرا، لي مادار فيها والو، من غير الترامي على الأراضي والرزق ديال عباد الله، لي فرحو منين تگردع لأفقر جهة فالمملكة.

https://www.facebook.com/172118712872056/posts/2096775210406387?sfns=mo