وكالات//

خطفات ماي ماسك، والدة الملياردير والمخترع إيلون ماسك، الأضواء في دبي على هامش الحضور ديالها لـ”قمة المليار متابع” وجراو بزاف ديال الكاميرات والصحافيين موراها باش ياخدو ليها تصاور ولا تصريح من عندها.

وبالمناسبة، هضرات ماي عن سر نجاحها في التربية ديال أولادها والمساهمة ديالها فيما حققوه من إنجازات كبيرة بزاف.

وقالت ماي إن السبب هو أنهم عطاتهم الحرية وماضييقاتش عليهم وفتحات ليهم ديما المجال ديال التعبير على راسهم.

وقالت ماي إنها عمرها لامتهم بسباب الواجبات الدراسية ولا حتى على التأخر الدراسي ديالهم في بعض المرات.

وكيتعتابر ولدها إيلون هو أغنى رجل في العالم، وخوه شقيقو كيمبال عندو سلسلة مطاعم راقية، وعندو ثروة بالملايين، أما ختهم الصغيرة  توسكا فهي منتجة منفذة مشهورة في مجال الترفيه الرقمي.