كود سبور//

اعتبر زكرياء الواحدي اللي تألق مع المنتخب المغربي الأولمبي مؤخرا فأولمبياد باريس، أن المنتخب المغربي الاول من احسن المنتخبات، وانه احتياطي لأحسن ظهيرين فالعالم اشرف حكيمي ونصير مزراوي.

وقال زكرياء الواحدي بعد ماتش المغرب والگابون برسم اقصائيات كاس افريقيا 2025: “أنا احتياطي فأحسن منتخب والماتش ضد الگابون هو استعداد لكوب دافريك، نتيجة 4 لواحد تخلينا كاملين فرحانين والمهم هي 3 بوان”.

وكمل الواحدي وقال: “اشرف حكيمي ونصير مزراوي احسن ظهيرين ديال ليمن فالعالم واحد كايلعب مع مانشستر يونايتد والآخر مايلعب مع باريس سان جرمان، وانا كانتعلم منهم”.