كود سبور//

باغيين الهلال السعودي يسنيو مع الدولي المغربي يوسف النصيري نجم فنربخشة التركي، وهذا الشي بعدما كان النصر السعودي باغي حتى هو يسني معاه ولكن ما قدرش فالميركاتو الشتوي الماضي.

وحسب موقع Todo Fichajes، فالهلال اتصلوا بفنربخشة للتفاوض على انتقال يوسف النصيري لعند الفريق السعودي، وأن الفريق التركي مستعد يبيع عقد المهاجم المغربي مقابل عرض فيه 40 مليون أورو، وهذا المبلغ راه مستعدين الهلال يخلصوه باش يسنيو مع النصيري.

وأكد نفس المصدر، ان يوسف النصيري يشكل هدف بالنسبة للهلال فهاد الصيف، حيث باغيين يسنيو مع مهاجم مزيان وتمرس فأوروبا، وأن البروفايل ديال المهاجم المغربي خدام لهم ومناسب للفريق.