وكالات//

تشافو جاستن وهايلي بيبر فواحد الحالة ديال التوتر ملي خرجو ياخدو القهوة فـ بالم سبرينغز خلال عطلة عيد الشكر، وهادشي زاد شعّل التكهنات من جديد حول حياتهم الزوجية.

وجاستن وهايلي مزوّجين من 2018، وعندهم ولد فعامو الأول، وواجهو إشاعات على التوتر فعلاقتهم فالنصف اللول من هاد العام. جاستن تطرّق لبعض هاد المواضيع فألبومو Swag، وتكلم بصراحة على الصعوبات اللي كيعاني منها، مع التأكيد ديالو على التزامو تجاه هايلي.

ورغم أنهم بقاو كيبانو متحدّين فالعلن من داك الوقت، رجعات العلاقة للواجهة بعدما جاستن ما احتفلش بشكل واضح بعيد ميلاد هايلي الـ29 السبت اللي فات. هايلي نشرت تهاني ديال صحاباتها بحال: كايلي جينر، لوري هارفي، وكاميلا موروني، ولكن جاستن ما دار حتى منشور علني فالمناسبة. ومن بعد شارك صور فـ”إنستغرام” كيبان فيها مع هايلي وجاك، ولكن هادشي ما نقصش من التكهنات.