كود سبور//
تأهل منتخب النگليز إلى نهائي كاس أوروبا “ألمانيا 2024″، بعدما ربحو هولندا اليوم الاربعاء فالدومي فينال.
وسالا الماتش بين النگليز وهولندا بنتيجة 2 لواحد، لمصلحة النگالزا، واخا هولندا هما الاولين اللي ماركاو فالدقيقة 7، بواسطة تشافي سيمونز، وجابو النگالزا التعادل عن طريق هاري كين من بينالتي فالدقيقة 18، وبقاو المنتخبين معادلين حتى الدقيقة الـ90 فين خطف أولي واتگيز الهدف الثاني ديال الرباح والتأهل إلى النهائي.
وبهذا الرباح تأهل منتخب النگليز لفينال كاس أوروبا لاول مرة فالتاريخ ديالو، وغايلعب ضد منتخب الصبليون، أما هولندا غايلعبو ماتش الترتيب ديال المركز الثالث مع فرنسا.
