كود -Euronews //

النمسا صادقات لبارح 11 دجنبر على قانون جديد كيمنع البنات اللي قل من 14 عام يلبسو الحجاب ف المدارس، القانون تصوّت عليه بأغلبية كبيرة ف البرلمان، الحكومة كتقول بلي الهدف هو “حماية البنات الصغار”، وكتأكد أن القانون مطابق للدستور.

الوزيرة المكلفة بالاندماج قالت بلي “البنت اللي عندها 8 ولا 9 سنين ميمكنش تغطي راسها حيث خايفة من نظرة الرجال، هادي ماشي ديانة، هادا ضغط”.

القانون غادي يدخل للتطبيق مع الدخول المدرسي ف شتنبر الجاي، ولكن ابتداءً من فبراير غادي يكونو غير شروحات فالمدارس بلا عقوبات، من بعد اللي ما احترمش ممكن يتفرض على واليديه غرامة من 150 حتى لـ800 أورو. حسب الحكومة، تقريباً 12 ألف بنت غادي يتأثّرو بهاد القرار.

بعض الخبراء القانونيين مازال كيشوفو بلي هاد القرار يمكن يرجع يتلغا ثاني، حيث المحكمة الدستورية سبق قالت أن منع الحجاب تمييز ديني، الحزب اليميني  FPO كان باغي قانون مزير  ويتطبق حتى على الطالبات والأساتذة ،أما الحكومة كتقول الهدف ديالها “حماية الأطفال” وصافي.