كود – وكالات //

كشفات دراسة علمية جديدة أن إنسان النياندرتال والإنسان العاقل كانو كيتقاسمو نفس العادات وأساليب العيش وسط كهف “أوتشاغيزلي 2” جنوب تركيا، لمدة 30 ألف سنة، الشي لي كيبين أن العلاقة بيناتهم كانت كبر من  التعايش أو التزاوج.

الباحثون وضحو أن النياندرتال عاش فالكهف بين 77 ألف و59 ألف سنة، ومن بعد جا الإنسان العاقل واستقر فنفس الكهف حتى ل 47 ألف سنة ،وخا تبدلو السكان، بقات نفس طرق الصيد، وصناعة الأدوات الحجرية.

فاللحفريات، لقاو العلماء 6 أسنان بشرية،  عظم الفك، وكثر من 19 ألف أداة حجرية، و24 ألف بقايا حيوانات.،كما اكتاشفو 59 صدفة بحرية، بعضها من نوع Columbella rustica، واللي ما كيتاكلاش، حيث كانت كتستعمل والديكور .

البروفيسور إسماعيل بايكارا، أكد أن هاد الاستمرارية كانت مفاجئة، ولكن كتنسجم مع الأدلة اللي كتقول بلي النياندرتال والإنسان العاقل كان بيناتهم تواصل وتبادل للجينات والثقافة، خاصة فبلاد الشام.

وكيعتابر الباحثون أن هاد النتائج كتقوي الفرضية اللي كتقول بلي النياندرتال ما كانش مختلف بزاف على الإنسان العاقل من ناحية السلوك والتفكير.