كود سبور//

عيطت النيابة العامة فالمحكمة الابتدائية بمدينة سلا لواحد المدون على مواقع التواصل الاجتماعي بسبب الترويج ديالو لشي اخبار مشكوك فيها.

وحسب مصادر مطلعة، استمع وكيل الملك اليوم الخميس، للمدون بسبب نشر ادعاءات مشكوك فيها على مواقع التواصل الاجتماعي، باش يعطي شي دليل على داكشي اللي كان كيروج فيه على الوداد الرياضي.

وكان اكد موقع “كود” فوقت سابق أن الوداد الرياضي كلف المحامي ديال النادي برفع شكاية للقضاء، بسبب داكشي اللي راج حول بارون المخدرات المالي وشي وحدين اللي بداو ينسبو علاقتو بالوداد ويرجو هذا الشي على مواقع التواصل الإجتماعي.