كود ـ كازا //
قرر وكيل الملك بالمحكمة الزجرية ديال عين السبع فكازا، ليلة الخميس إرجاع مسطرة متهم فيها العنابي منعش عقاري مشهور فكازا والمحمدية، ومعاه برلمانيين ومنتخبين سابقين وحاليين من مجلس مدينة كازا ، وكذا محافظ سابق، من أجل إتمام البحث والاستماع إلى أطراف أخرى فالقضية مع التقديم يوم الثلاثاء المقبل أمام النيابة العامة بالمحكمة ذاتها .
هذا القضية للي تقدم فيها اليوم 13 شخص متهمين بتزوير بلانات ديال البناء واللعب في تصاميم لي كينا في تصميم التهيئة ديال مدينة كازا ولي كيتزعمهم المنعش العقاري العنابي المعروف فالميدان، وكيملك ثروة كبيرة بزاف.
التحقيقات مرشحة باش كشف على أسماء جديدة، سوا من داخل الإدارات العمومية أو من بين المتعاونين الخارجيين، الذين يسّرت أدوارهم التواطئية تمرير هذه الجرائم التي لطخت سمعة القطاع وأضرت بثقة المستثمرين والمواطنين.
